Гродзенскага святара абвінавачваюць у русафобіі і нацыяналізме
У дакуменце Праваслаўнага брацтва св.Уладзіміра гаворыцца, што сярод духавенства Гродзенскай епархіі назіраецца распаўсюджванне нацыяналістычных ідэй, заснаваных на русафобіі.
Праваслаўнае брацтва св.Уладзіміра просіць патрыярха Кірыла зняць з Гродзенскай кафедры архіепіскапа Арцемія.
Заява з’явілася пасля звароту архіепіскапа да кліра і паствы. У дакуменце гаворыцца, што сярод духавенства Гродзенскай епархіі назіраецца распаўсюджванне нацыяналістычных ідэй, заснаваных на русафобіі.
У якасці прыклада прыводзіцца тое, што ў епархіі адбылося выкананне нацыяналістычнага гімна «Магутны Божа», падтрымліваюцца пратэсты ў Беларусі, прапаведуецца ідэалогія змагарства, адбываецца насаджэнне богаслужэнняў на беларускай мове, здзяйсняюцца супольныя малітвы з каталікамі і пратэстантамі.
Акрамя гэтага, гаворыцца ў заяве, у Гродзенскай епархіі адбываецца выцясненне актыўных прарасійскіх святароў, знішчэнне патрыятычнага кірунку, ігнараванне казацтва.
І ўсё гэта, маўляў, адбываецца з ініцыятывы кіраўніцтва Гродзенскай епархіяй і асабіста архіепіскапа Арцемія.«А нам што рабіць?», – задаюцца пытаннем падпісанты.
Тэкст заявы падпісаны кіраўніком брацтва св.Уладзіміра Андрэем Лабаноўскім і размешчаны на сайце Рускай народнай лініі.
Паводле polskieradio.pl