У Гродне і Мінску супраць пратэстоўцаў ужылі газ
Сілавікі ўпершыню за апошнія тыдні пратэстаў ужываюць газ супраць дэманстрантаў.
Фота tut.by
У Гродне адбываюцца жорсткія затрыманні з ужываннем спецсродкаў. Пра гэта паведамляе тэлеграм-канал Радыё Свабода.
Таксама пра ўжыванне газу супраць мірных пратэстоўцаў напісала ў фэйсбуку гродзенская журналістка Вольга Корсун.
Як перадае tut.by, у Мінску ля ачаплення Палаца незалежнасці хтосьці распыляе пярцовы газ, ад якога рэжа вочы і горла. Але людзі працягваюць стаяць. Распыляючы пярцовыя балончыкі, сілавікі спрабуюць адагнаць тых пратэстуючых, якія спрабуюць пісаць на агароджы. Раней сілавікі ўжылі супраць дэманстрантаў слезацечны газ.