Ірыну Леўшыну пакінулі за кратамі яшчэ на два месяцы

Дырэктара і галоўнага рэдактара інфармацыйнай кампаніі Бела*АН (у лістападзе прызнана ў Беларусі "экстрэмісцкім фармаваннем") Ірыну Леўшыну пакінулі за кратамі яшчэ на два месяцы, піша Еўрарадыё.

Пра гэта яна напісала ў лісце сваякам, паведамляе Беларускі партал навінаў. Ён адзначае, што на волю не выйшаў і былы дырэктар Бела*АН Дзмітрый Наважылаў, таму і яму маглі працягнуць тэрмін утрымання пад вартай.
Леўшына была затрыманая ў жніўні 2021-га. Тады ж схапілі і Наважылава. Спачатку ім выставілі абвінавачанні ва "ўхіленні ад выплаты падаткаў, што пацягнула прычыненне ўрону ў буйным памеры". У лістападзе дадалося абвінавачанне ў "стварэнні экстрэмісцкага фармавання".
Праваабаронцы прызналі Ірыну Леўшыну і Дзмітрыя Наважылава палітвязнямі.