Латвія адгарадзілася ад Беларусі часовым плотам з калючага дроту
Латвія завяршыла ўстаноўку часовага плота з калючага дроту на 37-кіламетровым участку мяжы з Беларуссю, паведаміла ў пятніцу прадстаўнік Дзяржаўнага агенцтва забеспячэння Латвіі Вендыя Пікшэ-Кучма.
Фота: Дзяржаўная памежная служба Латвіі
Дзяржсакратар МУС Латвіі Дзмітрый Трафімаў раней паведаміў агенцтву BNS, што ёсць месцы, дзе спатрэбіцца будаўніцтва дадатковага часовага плота. Усяго плануецца пабудаваць яшчэ каля 23 км дадатковых агароджаў.
На дадатковы закуп калючага дроту, будаўніцтва плота і паслугі тэхнічнага нагляду мяркуецца выдаткаваць каля 2,3 млн еўра. А ўсяго часовы плот абыдзецца, як чакаецца, у 3,7 млн еўра.
Пасля ўзвядзення часовага плота плануецца ўзвесці пастаянную агароджу. Агулам плануецца пабудаваць 172,9 км памежнай паласы, у тым ліку сталую загароджу на працягу 134 км. Арганізацыя ўладкавання ўсходняй мяжы Латвіі даручана Гао Valsts nekustamie ipasumi (VNI).
Увод у эксплуатацыю пастаяннага плота на латвійска-беларускай мяжы плануецца не пазней за 2024 год.
interfax.by