Лекары занепакоены пашырэннем самалячэння
На фоне каронавіруса ў Беларусі ў тры разы павялічыўся попыт на парацэтамол і антыбіётыкі. Гэта выклікае заклапочанасць у медыкаў. Адмыслоўцы адначаюць, што ўжыванне антыбіётыкаў не дапаможа ў прафілактыцы і самалячэнні.
Па словах лекара Дзмітрыя Паўлава, гэтая сітуацыя прывядзе да негатыўных наступстваў:
— Усё гэта ўрэшце прывядзе нас да таго, што ў нас будуць праблемы з лячэнне другіх банальных бактэрыяльных інфекцый. Ці то гнайніковыя захворванні скуры, якіясьці запаленчыя захворванні ўнутраных органаў, якія патрабуюць антыбактэрыяльнай тэрапіі, тыя ж самыя ныркі. У нас затым будуць праблемы з падборам антыбактэрыяльнай тэрапіі ў такіх пацыентаў. Таму што развіваецца рэзістэнтнасць да гэтых лекаў пры іх няправільным ужыванні.
Таксама суразмоўца дадае, што шмат грамадзян трапляюць у бальніцы з цяжкой формай каронавіруснай інфекцыі, якраз пасля самапрызначанага курса антыбіётыкаў.