У ЗША пачнецца масавая экстранная вакцынацыя прэпаратам ад Pfizer і BioNTech

Вакцына атрымала ўхвалу на рэгістрацыю ад Упраўлення па санітарным наглядзе за якасцю харчавання і медыкаментаў Міністэрства аховы здароўя ЗША (FDA).

Трамп запэўніў, што першыя амерыканцы атрымаюць вакцыну ад COVID-19 ужо «менш чым праз 24 гадзіны», а лек выратуе мільёны жыццяў і неўзабаве раз і назаўжды спыніць пандэмію.
«У мяне сапраўды добрыя навіны. Сёння наша нацыя дасягнула медычнага цуду. Мы паставілі бяспечную і эфектыўную вакцыну ўсяго за дзевяць месяцаў. Гэта адно з найбуйнейшых навуковых дасягненняў у гісторыі», — заявіў Трамп.