Лукашэнка падпісаў указ аб пераводзе дзяржжылля ў фонд арэнднага
Аляксандр Лукашэнка падпісаў указ № 563 "Аб некаторых пытаннях прававога рэгулявання жыллёвых адносін", які прадугледжвае фармаванне фонду жылых памяшканняў камерцыйнага выкарыстання (арэнднае жыллё) шляхам пераводу дзяржаўнага жылля ў арэнднае. Пра гэта паведамілі ў прэс-службе кіраўніка дзяржавы.
Указам прадугледжваецца змяненне складу дзяржаўнага жыллёвага фонду за кошт пераводу службовых, спецыяльных службовых, асобных відаў сацыяльных кватэр і асобных відаў спецыяльных жылых памяшканняў у арэнднае жыллё. У дзяржаўным жыллёвым фондзе застаюцца жылыя памяшканні сацыяльнага карыстання, спецыяльныя жылыя памяшканнi, жылыя памяшканні камерцыйнага выкарыстання і жылыя памяшканні ў інтэрнатах.
У галіне фармавання фонду памяшканняў камерцыйнага выкарыстання і прадстаўлення такіх памяшканняў прадугледжваецца перавод да 1 красавіка 2014 года ў фонд памяшканняў камерцыйнага выкарыстання заселеных службовых, спецыяльных службовых жылых памяшканняў, некаторых відаў спецыяльных жылых памяшканняў.
З усімі пунктамі ўказа можна азнаёміцца тут.