Лукашэнку падарылі «Лазерны тэлевізар Гарызонт». Ён вельмі нагадвае кітайскі праектар 2018 года
Падчас наведвання інавацыйнага цэнтра «Гарызонт» Лукашэнка атрымаў у падарунак «лазерны тэлевізар». Яго ўручыў генеральны дырэктар «Гарызонта» Юрый Прэдка. Лукашэнка ўдакладніў, ці разбярэцца ён з прыладай. «Там нескладана ўсё, дастаткова проста», — патлумачыў Прэдка.
Прэзентацыя на сайце міністэрства прамысловасці
Што такое «лазерны тэлевізар», задаецца пытаннем «Наша Ніва»? Гэта праектар, які выводзіць
карцінку на сцяну. Яшчэ ў мінулым годзе «Гарызонт» прадставіў свой прадукт —
Horizont LT400F. «Якасць фармата 4К з фізічным памерам 2*3.5 метра даступна пры
мінімальным размяшчэнні праектара ад сцяны», — гаварылася ў апісанні.
А вось як выглядае праектар кітайскай кампаніі JMGO,
выпушчаны яшчэ ў 2018 годзе:
Давайце паглядзім на прыладу зблізку. Калі Аляксандр
Лукашэнка адкрыў каробку, то пабачыў там вось такі дэвайс — шэрая працяглая
штука з чорнай рашоткай.
А вось як выглядае той самы праектар ад кампаніі Jmgo — Jmgo
Explorer:
Вытворца прадае гэту прыладу праз аўкцыёны, на «Аліэкспрэсе»
гэты лазерны тэлевізар можна купіць за $650.