Мінінфарм разблакаваў сайт Blizko.by. Цяпер там няма «палітыкі»
Мінінфарм разблакаваў доступ да сайта Blizko.by. Ён быў заблакаваны з 21 верасня.
Як адзначае тэлеграм-канал «Позірк», публікацыя навін аднавілася 21
кастрычніка, першым паведамленнем сталі звесткі пра надвор'е. Палітычныя навіны на
дадзены момант адсутнічаюць, у тым ліку архіўныя.
Сайт працягвае пісаць пра жыццё ў Мінску і Беларусі ў цэлым з акцэнтам на падзеі ў розных супольнасцях і мікрараёнах, застаецца рэкламнай пляцоўкай для сталічных кампаній.
Па звестках крыніцы ў рэдакцыйных колах, Blizko.by заблакавалі праз леташнюю навіну са згадваннем блогера Антона Матолькі, які ўнесены КДБ у «спіс тэрарыстаў».
