Мінздароўя: За суткі ў Беларусі зафіксавана 1859 выпадкаў COVID-19

Міністэрства аховы здароўя абвясціла аб 1859 выпадках каронавіруса за суткі. З пачатку пандэміі ў Беларусі было зарэгістравана 638 402 чалавекі са станоўчым тэстам на COVID-19.

З учорашняга дня выпісаныя 2590 пацыентаў. Усяго ачунялі 622 075 чалавек з пацверджаным раней дыягназам.

За ўвесь перыяд распаўсюджання інфекцыі ў Беларусі, па афіцыйных даных, памерлі 4932 пацыенты з каронавірусам. З іх за суткі памерлі 19 чалавек.

Усяго праведзена 10 184 081 тэст. З учорашняга дня выканалі 23 935 даследаванняў.