На «Нафтане» прагучалі тры выбухі і адбыўся пажар
14 кастрычніка раніцай на "Нафтане" ў Наваполацку "выбухнула ўстаноўка": "было тры выбухі, назіралася адкрытае гарэнне", – паведаміў на гарачую лінію TUT.BY чытач.
Фотаздымак ад аднаго з відавочцаў здарэння
У цяперашні час пажар ліквідаваны, пацярпелых няма, паведаміў прэс-сакратар МНС Віталь Навіцкі.
"Пажар узнік у будынку пампоўні. З 6 кастрычніка гэты аб’ект знаходзіцца на рамонце. У 10.25 пажар быў лакалізаваны, у 10.37 – ліквідаваны. Пацярпелых няма. На працу прадпрыемства здарэнне не паўплывала", – удакладніў Віталь Навіцкі. У адміністрацыі ААТ "Нафтан" каментар пакуль атрымаць не ўдалося. Прычына пажару высвятляецца.
racyja.com