Павел Аракелян: Беларусам варта пазбавіцца ад "маленькага Лукашэнкі" ўнутры

Вядомы беларускі cаксафаніст адзначае, для яго Лукашэнка — гэта непаразуменне, хоць і даволі прыкрае, натуральна, ні дзень нараджэння, ні дзень яго смерці ніякім чынам не паўплываюць на яго.



"Я даволі хутка яго забуду, ніяк адзначаць гэтую дату не буду, але зраблю ўсё, што ад мяне залежыць, каб такое непаразуменне больш не паўтарылася. І самае галоўнае, каб гэты маленькі ўнутраны Лукашэнка памёр у кожным з нас, а гэта ўжо значна складаней" , — распавёў Павал Аракелян у інтэрв'ю "Белсату".

Музыкант таксама расказаў, што не сочыць за нацыянальным адборам на міжнародны песенны конкурс "Еўрабачанне".

“Не сачу, таму што гэта конкурс, які не мае адносіны да музыкі, таму што наогул лічу, што конкурсы ў сферы мастацтва — даволі спрэчныя мерапрыемствы. Адпаведна, мне абсалютна ўсё роўна, хто паедзе ад Беларусі мяне хвалюе крыху менш, чым курс тэнге, колер бруку на вуліцах Лондана і рускія серыялы ", — адзначыў Аракелян.

Не так даўно Павел Аракелян заняўся фітнэсам і працуе трэнерам у адным з мінскіх спартыўных клубаў. У той жа час яго музыка — вельмі меладычная, не дзеля барыкадаў і спортзалаў.

"Я раблю тое, што павінен. У рамках той жа “Крамбамбулі” — гэта даволі тэстастэронавае шоў, у рамках сваіх праектаў — у мяне не заўсёды ёсць выбар, што менавіта рабіць, калі да цябе прыходзіць пэўная музыка, ты мала на гэта ўплываеш, а проста транслюеш яе па меры магчымасцяў ", — падзяліўся з журналістамі музыкант.

Ён не лічыць сваю музыку элітарнай.

"Больш за тое, часам проста дзіўлюся, якая публіка яе слухае, гэта значыць, проста не магу ніяк прадказаць, хто адрэагуе на той ці іншы эксперымент. Такім чынам, як любы артыст, я аддаю перавагу поўным вялікім залам, але як любы творца выдатна разумею, што гэта далёка не заўсёды залежыць ад эмацыйнага ўтрымання музыкі, яе інтэлектуальнага напаўнення або якасці. Зноў жа, публіка сама вырашыць, сабрацца ёй у колькасці дваццаці, або ў колькасці двух тысяч чалавек. Я перастаў ставіцца да музыкі, як да бізнэсу ", — адзначыў саксафаніст.

Паводле: Белорусский партизан