Праваслаўныя вернікі святкуюць Вялікдзень

Хрыстос уваскрос! Сапраўды ўваскрос!

Светлае Хрыстова Уваскрэсенне або Вялікдзень — галоўная падзея царкоўнага календара, найстаражытнае і найважнейшае хрысціянскае свята. Гэта свята нагадвае пра галоўны хрысціянскі цуд — уваскрэсенне Хрыста пасля пакутніцкай смерці, якое дае надзею ўсім вернікам на пазбаўленне ад грахоў і вечнае жыццё. Вялікдзень — гэта сімвал перамогі дабра, святла і любові.
У беларускіх храмах увечары 27 красавіка пачаліся святочныя набажэнствы і асвячэнне велікодных страваў. Літургіі працягваюцца і ў нядзелю. Таксама ўвечары суботы ў Беларусь даставілі Благадатны агонь ад гроба Хрыста ў Іерусаліме.