Прыватызацыя Мінскага трактарнага завода: што думаюць самі рабочыя? (відэа)
Рух “За Свабоду” правёў відэаапытанне працоўных некалькіх беларускіх прадпрыемстваў, на адныя з якіх у свой час прыйшоў інвестар, а іншыя дасюль знаходзяцца цалкам у руках дзяржавы.
Сёння прапануем меркаванні простых рабочых Трактарнага завода ў сталіцы.
100% акцый Мінскага трактарнага завода належаць дзяржаве. У працоўных МТЗ каля прахадной прадпрыемства запыталіся пра тое, як яны ставяцца да верагоднай прыватызацыі.
Шмат хто спадзяецца, што гэта прынясе станоўчыя перамены, бо з’явіцца руплівы гаспадар, а цяпер завод перабывае ў заняпадзе.
Відэапытанне праведзена ў межах супрацоўніцтва "Паглыблены дыялог" адзінаццаці палітычных партый і арганізацый, якія спрабуюць сярод іншага выпрацаваць адзіныя падыходы да прыватызацыі ў Беларусі.
Па гэтай спасылцы можна паглядзець, як самі апазіцыйныя партыі і арганізацыі бачаць гэты працэс –
напрыклад, які інвестар прыярытэтны (еўрапейскі, азіяцкі, расійскі) і ці павінна дзяржава захоўваць долю ў прадпрыемствах, якія будуць прыватызаваныя.