Справу аб пашкоджанні мемарыяльнага знаку ў Курапатах перадалі ў Следчы камітэт

Матэрыялы праверкі мемарыяльнага знаку ў Курапатах, праведзенай 18 снежня супрацоўнікамі Бараўлянскага аддзелу міліцыі, перададзеныя ў аддзел Следчага камітэту Мінскага раёна, паведамляе Радыё Свабода.
Нагадаем, учора, 18 снежня, адна з аўтараў афіцыйнага памятнага знаку ў Курапатах Вольга Нячай паведаміла, што невядомыя вандалы надрапалі шасціканцовыя зоркі Давіда на мемарыяльнай шыльдзе, усталяванай на помніку. 

Пазней у Курапаты для праверкі выехаў нарад міліцыі з Бараўлянаў.

Мемарыяльны знак «Ахвярам палітычных рэпрэсій 30–40-х гадоў XX стагоддзя» ўстанавілі сёлета ў лістападзе. 14 лістапада прайшла працэдура прыёмкі. Цырымоніі адкрыцця яшчэ не было.

Паводле Радыё Свабода

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: