Шэсцьсот еўра для маладзёнаў на ўласнае падарожжа
Фундацыя Zis прапануе моладзі з усяго свету выйграць грант на 600 еўра, каб самастойна арганізаваць паездку ў замежную краіну!
Кандыдатам мусіць быць ад 16 да 20 гадоў і яны не мусяць быць студэнтамі.
Фундацыя гатовая прадставіць грант пад падарожжа, якое адпавядае наступным умовам:
- накіравана на вывучэнне пэўнай тэмы / праблемы, абраных ўдзельнікамі
- самастойнае падарожжа (едзеш сам)
- выдаткі пакрываюцца толькі грантам
- доўжыцца не менш за 4 тыдні
- не самалётам
- не ў месцы ўзброеных канфліктаў
У кожнага ўдзельніка будзе асабісты ментар, які дапаможа арганізаваць паездку па электроннай пошце. Пасля паездкі ўдзельнік павінен падрыхтаваць справаздачу (не менш за 8000 слоў) або дзённік сваёй паездкі на англійскай / нямецкай мове.
Падаць заяўку можна, запоўніўшы анкету на сайце да 15.02.2020
Для ўдзельнікаў любога ўзросту бацькі павінны запоўніць форму згоды.
Больш інфармацыі на сайце.
Паводле adukacya.info