Тайга і Шэрхан пазнаёміліся

Амурскі тыгр Шэрхан, якога прывезлі ў Гродзенскі заапарк у лістападзе мінулага году, упершыню выйшаў у агульны вальер з тыгрыцай, што жыве ў заапарку з 2011 года.



Шэрхана набылі ў пару да Тайгі, аднак першыя тры месяцы жывёл трымалі асобна: асабісты кантакт мог скончыцца непрадказальна.

На прагулкі тыграў выпускалі па чарзе.

Толькі ва ўнутраным памяшканні драпежнікі маглі бачыць адно аднаго праз краты.

Апынуўшыся ў агульным вальеры, Шэрхан і Тайга, на радасць супрацоўнікаў заапарку, ніякай агрэсіі не праявілі.

Тыгр усяляк імкнуўся звярнуць на сябе ўвагу сяброўкі, тая паводзіла сябе больш стрымана, але таксама добразычліва.

Здымкі http://www.grodnozoo.by