«У чэрвені ўжо можа быць цікавей»

Што можа стаць новым трыгерам для пратэсту? Таму што пратэсныя настроі нікуды не дзеліся.

Тэлеграм-канал «Рефлексия и реакция» звяртае ўвагу на цікавы факт.

— Пратэстаў 9 траўня не здарыліся. Але мала хто звярнуў увагу на цікавы факт: вечарам, у пятніцу 7 траўня ўвесь Мінск стаяў у 10-бальных заторах. Стаяў цэнтр, стаяла кальцавая. Гэта не была акцыя пратэсту, але людзі з’язджалі з гораду масава. У выніку 9 траўня афіцыйнае свята не сабрала якіхсьці сур'ёзных лічбаў.

Гэта шмат кажа пра настроі людзей. Калі казаць пра Мінск, можна ацэньваць, што 70–80% з тых, хто стаяў у пятніцу ўвечары ў заторах, галасавалі за Ціханаўскую ў жніўні мінулага года. На сёння адна думка — з'ехаць хутчэй з горада, развеяцца, адпачыць ад цяжкай у эмацыйным плане зімы.

Гэта не значыць, што людзі палюбілі рэжым. Пра высокі кошт пратэсту пішуць усе аналітыкі, гэта відавочна. У той жа час, у жніўні было ўнікальнае адчуванне — адчуванне аб'яднання нацыі. Калі 8 з 10 вакол — свае, калі і рабочыя і айцішнікі, і малыя гарады і сталіца — усе сутыкнуліся з несправядлівасцю і рэагавалі бурна і эмацыйна.

Рэжым не стаў прывіваць да сябе любоў — ён стаў павышаць цану за пратэст, з аднаго боку.

З другога боку — асноўны наратыў у афіцыйных медыя — глядзіце, усё спакойна, краіна не развальваецца, транспарт ходзіць, зарплаты плацяцца, долар стаіць на месцы. Так, кошты ў крамах падраслі. Так, дзесьці скарачэнні. Усё часцей прасядае інфраструктура. Але скарачэнні на канкрэтным прадпрыемстве можна спісаць на праблемы прадпрыемства, не ўзнікае адчуванне, што ўсе адчулі пагаршэнне.

Тое ж самае з інфраструктурай — абясточылі Сухарава, але ў Малінаўцы і Каменнай Горцы святло ёсць. Адбыўся рассінхрон, ён адбыўся канчаткова са спыненнем пратэстнай восені.

У гэтым кантэксце ўзнікае шмат гіпотэз, што можа стаць новым трыгерам для пратэсту, бо настроі нікуды не дзеліся. І тут, на наш погляд, трэба глядзець на тое, наколькі гэта падзея можа закрануць усіх максімальна. Знікненне долараў з абменнікаў або скачок курсу, калапс банкаўскай сістэмы, пустыя паліцы. Інфраструктурны калапс нацыянальнага маштабу. Дэфіцыт бензіну або рэзкі скачок яго кошту. Масавыя затрымкі пенсій і заробкаў бюджэтнікам.

Паводле gazetaby.media