У Маскве зробяць першы ў Расіі агульнанацыянальны мэмарыял ахвярам палітычных рэпрэсіяў

У Маскве ўсталююць першы ў Расіі агульнанацыянальны мемарыял ахвярам палітычных рэпрэсіяў. Так званая «Сцяна смутку» з'явіцца на скрыжаванні праспекта акадэміка Сахарава і Садовага кола.

Пакуль помнік накрыты адмысловым палатном. Афіцыйна яго адкрыюць у канцы кастрычніка — у Дзень памяці ахвяр палітычных рэпрэсіяў.
Манумент вышынёй з двухпавярховы дом будзе выглядаць як сцяна з некалькімі аркамі. На сцяне будзе напісана слова «Памятай!» на розных мовах. Тэрыторыю вакол скульптуры маюць выбрукаваць камянямі, якія прывезлі з былых лагераў і турмаў ГУЛАГу.
Паводле svaboda.org