У справе Пратасевіча, Пальчыса і Пуцілы больш за 600 тамоў — СК
Аб'ём крымінальнай справы, якую расследуе ўпраўленне Следчага камітэта па Мінску ў дачыненні да Рамана Пратасевіча, Сцяпана Пуцілы і Эдуарда Пальчыса, дасягнуў больш за 600 тамоў, заявіў начальнік упраўлення Сяргей Паско.
Фота Дзмітрыя Дзмітрыева
«Там знаходзяцца матэрыялы крымінальных спраў і па абвінавачанні і таго ж Пратасевіча (Раман Пратасевіч, былы галоўны рэдактар тэлеграм-канала, прызнанага ў Беларусі экстрэмісцкім. — БелаПАН.), Які знаходзіцца на тэрыторыі Рэспублікі Беларусь (арыштаваны пасля прымусовай пасадкі ў Мінску самалёта Ryanair, які ляцеў з Афінаў у Вільню, цяпер фармальна пад хатнім арыштам. — БелаПАН.), і Пуцілы (Сцяпан Пуціла, заснавальнік тэлеграм-канала, прызнанага ў Беларусі экстрэмісцкім. — БелаПАН.), які па-за межамі (пражывае ў Польшчы, абвешчаны ў вышук. — БелаПАН.), такія, як Пальчыс (блогер Эдуард Пальчыс, у СІЗА. — БелаПАН.)», — сказаў Паско ў эфіры праграмы «Тыдзень» на тэлеканале СТВ.
Акрамя таго, заявіў ён, пад вартай знаходзіцца даволі вялікая група анархістаў. «Мы плануем у бліжэйшы час, месяц-паўтара... Мы скончым расследаванне па гэтай справе, яна будзе накіравана ў суд», — заявіў кіраўнік УСК.
Паводле baj.by