У Мінску маюць намер ліквідаваць незаконную рэкламу на асфальце

У Мінску маюць намер ліквідаваць незаконную рэкламу на асфальце. Пра гэта сёння ішла размова на нарадзе ў Мінгарвыканкаме, перадае карэспандэнт БЕЛТА.



Фота з сайта БЕЛТА

Начальнік упраўлення гандлю і паслуг Мінскага гарвыканкама Ніна Емяльянава, адзначыла , што апошнім часам усё большае распаўсюджванне ў Мінску атрымліваюць наземныя рэкламныя пано: на тратуарах і пляцоўках перад сацыяльна-культурнымі і гандлёвымі аб'ектамі з'яўляюцца рэкламныя аб'явы, нанесеныя фарбай па трафарэце.

Гэта наносіць шкоду эстэтычнаму выгляду сталічных вуліц, з'яўляецца парушэннем заканадаўства, лічаць у гарвыканкаме.

Старшыня Мінгарвыканкама Андрэй Шорац перакананы, што такія няўзгодненыя рэкламныя аб'явы павінны быць ліквідаваны, а тыя, хто іх наносіць, — прыцягнуты да адказнасці. Гэта работа будзе ў сталіцы актывізавана.

Паводле слоў начальніка ўпраўлення гандлю і паслуг Мінгарвыканкама, прадоўжыцца работа па выяўленні ў інтэрнэце рэкламных аб'яў аб гандлі алкагольнымі напіткамі, рэалізацыі тавараў і паслуг у замежнай валюце, продажы біялагічна актыўных дабавак, лекаў.