У Віцебску — суды за расцяжку “Свабоду палітвязням” (абноўлена)

Адміністратыўныя справы сябраў ствараемай партыі БХД Аляксея Кішчука і Станіслава Лаўрэнава будуць разгледжаныя сёння, 18 лютага, у судзе Кастрычніцкага раёна Віцебска.



Акцыя "Свабоду палітвязням" у Віцебску

Суддзя Іна Грабоўская, якая неаднаразова судзіла віцебскіх актывістаў. Стас Лаўрэнаў і Аляксей Кішчук запатрабавалі адвакатаў Абвінавачванне прад'яўленае па арт. 23.34 КоАП. Судовае паседжанне перанеслі на 21 лютага. Яно пачнецца а 16-й гадзіне.

Стас Лаўрэнаў і Аляксей Кішчук былі затрыманыя ў пятніцу, 16 лютага прыкладна ў 12 гадзін дня ў цэнтры горада, каля плошчы Свабоды, пасля таго, як расцягнулі расцяжку “Свабоду палітвязням”.

Аляксея Кішчука і Станіслава Лаўрэнава адразу адвезлі ў Кастрычніцкі РАУС. Неўзабаве абодва хлопца перасталі выходзіць на тэлефонную сувязь, а потым даслалі смс-паведамленне,  што ў панядзелак над імі адбудзецца суд, а да таго іх змесцялі у ізалятар часовага ўтрымання.

Затрыманыя на акцыі салідарнасці ў Віцебску актывісты выходныя правялі ў ізалятары.

Акцыя партыі БХД “Хваля салідарнасці” ў падтрымку палітычных вязняў праходзіць у фармаце штодзённага марафону ў розных гарадах Беларусі. Актывісты пашыраюць улёткі і плакаты з інфармацыяй пра палітычных вязняў, раздаюць паштоўкі з заклікам падпісаць іх і пераслаць зняволеным. Яны таксама вывешваюць расцяжкі з заклікам вызваліць палітычных вязняў.
spring96.orgПрэсавая служба БХД