Уласнікам аграсядзіб загадалі паведамляць пра людзей з нацыянальнай сімволікай

А таксама пра любыя групы колькасцю болей за дваццаць чалавек. Пра гэта са спасылкай на свае крыніцы паведамляе найстарэйшае беларускае выданне, прызнанае ўладамі «экстрэмісцкім».

Уласнікаў аграсядзіб у розных рэгіёнах краіны абзвоньвалі з міліцыі з патрабаваннем паведамляць пра наведнікаў з нацыянальнымі сцягамі і пра любыя групы больш як з дваццаці чалавек.

«Не ведаю, кім трэба быць, каб даносіць на гасцей», — сказаў выданню адзін з уласнікаў, які перадаў гэтую інфармацыю.