Валанцёры прапануюць псіхалагічную дапамогу тым, хто гатовы яе прыняць

Валанцёры праекта «We may help» прапануюць бясплатную псіхалагічную дапамогу ўсім, хто адчувае ў ёй неабходнасць.

Праект псіхалагічнай дапамогі «We may help» запусцілі ўкраінкі і беларускі, якія праз вайну вымушаны былі пакінуць Украіну.

Спецыялісты і валанцёры з дванаццаці краін бясплатна і канфідэнцыйна дапамагаюць анлайн тым, хто гатовы прыняць іх дапамогу.

Кожны, хто адчувае патрэбу ў псіхалагічнай дапамозе, можа атрымаць яе ў экспертаў-псіхолагаў, коўчаў або цялеснікаў.

Дзеля таго, каб атрымаць 3 бясплатныя сесіі, трэба толькі напісаць у тэлеграм-чат праекта.

Праект дапамагае:

1) пацярпелым ад сітуацыі ва Украіне;

2) пацярпелым ад рэпрэсій у Беларусі і Расіі;

3) тым, хто перажывае траўматычны досвед праз падзеі з роднымі, якія належаць да першых дзвюх катэгорый;

4) валанцёрам, якія дапамагаюць пацярпелым ва Украіне, ахвярам рэпрэсій у Беларусі ды іх блізкім.

Больш інфармацыі пра анлайн-платформу WEMAYHELP 2.0, а таксама пра бясплатную дапамогу спецыялістаў можна атрымаць на https://hmuworld.com/wemayhelp2.