Затрымалі журналіста «Прэсбола» Андрэя Ільеню

Андрэй Ільеня таксама быў каментатарам на матчах чэмпіянату Беларусі — і рабіў гэта па-беларуску.

Андрэй Ільеня. Фота з сацсетак

Андрэй Ільеня. Фота з сацсетак

Пра затрыманне Андрэя Ільені паведаміў у сваім тэлеграм-канале спартовы аглядальнік Мікалай Іваноў.

Па яго словах, Ільеню затрымалі 14 верасня і арыштавалі на 10 сутак: «Журналіст "Прэсбола" Андрэй Ільеня цяпер на Акрэсціна. Затрыманы 14 верасня на 10 сутак».

За што быў затрыманы журналіст, пакуль не вядома.

Варта адзначыць, што Ільеня працуе таксама і каментатарам на матчах чэмпіянату Беларусі і каментуе спаборніцтвы на беларускай мове.

Паводле прэс-службы БАЖ