Затрыманага ў Пскове былога беларускага следчага вывезлі з Расіі

Затрыманага ў Пскове былога беларускага следчага Андрэя Астаповіча вывезлі з Расіі. Пра гэта «Паўночны-Захад. МБХ медыя" паведаміў адвакат Астаповіча Вячаслаў Галавін са спасылкай на сваю крыніцу.



Прычыну такіх дзеянняў і месца, куды вязуць Астаповіча, суразмоўца выдання не ўдакладніў. 

"Яго затрымалі ў гасцініцы "Рыжская". Па маёй інфармацыі, яму будуць прад'яўляць адміністрацыйнае правапарушэнне па незаконнаму перасячэнню мяжы, што хутчэй за ўсё звязана з пандэміяй. Але ў рэальнасці яны чакаюць дакументы з Беларусі на экстрадыцыю. У Пскове ён быў з чацвярга", — распавёў адвакат.
Астаповіч падаў у адстаўку на фоне пратэстаў праз вынікі выбараў у краіне. У звароце ў сваім інстаграме ён заклікаў жыхароў Беларусі змагацца да канца і "выгнаць дыктатара Лукашэнку" і выклаў фота рапарту аб звальненні.

Ён таксама напісаў, што асабіста бачыў, як супрацоўнікі АМАПу збівалі на мітынгах мірных дэманстрантаў і падкрэсліў, што не мае намеру працаваць у праваахоўных органах, калі ў краіне адбываюцца такія падзеі.


Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: