Зніжаны парогавы тэрмін за абарот наркотыкаў (328-ы артыкул)

Аляксандр Лукашэнка падпісаў закон «Аб змяненні Крымінальнага кодэкса Рэспублікі Беларусь», паведамляе БЕЛТА. Гаворка ідзе пра знакаміты артыкул №328. Ва ўказе ўсё так, як і было ў законапраекце: верхнія межы пакарання захаваны на ранейшым узроўні, ніжнія — ўпалі.

У каментары да ўказа паведамляецца, што ён падпісаны «ў мэтах удасканалення крымінальнага заканадаўства з улікам практыкі яго прымянення, забеспячэння строгай адпаведнасці ступені цяжкасці асобных дзеянняў і ўжывальных за іх мер адказнасці».
Такім чынам, тэрмін пазбаўлення волі па ч. 2 гэтага артыкула усталёўваецца ад 3 да 8 гадоў, а па ч. 3 — ад 6 да 15 гадоў (да прыняцця закона — ад 5 да 8 і ад 8 да 15 гадоў адпаведна).
Карэкціроўка Крымінальнага кодэкса дазволіць судам ў кожным канкрэтным выпадку больш разумна падыходзіць да прызначэння пакаранняў за злачынствы, звязаных з абаротам наркотыкаў, з улікам усіх абставінаў іх здзяйснення.
Раней называлася такая статыстыка. У 2015-м па ч. 1 арт. 328 асуджаныя 3 тыс. чалавек, у 2016-м — 2441, 2017-м — 1910, 2018-м — 1650. Што тычыцца незаконнага абароту наркотыкаў з мэтай збыту, па ч. 2 арт. 328 за ўсё ў 2015 годзе асуджаныя 109 чалавек, у 2016-м — 109, у 2017-м — 150, 2018-м — 139. Па ч. 3 арт. 328 у 2015-м пакаранне прызначанае 765 абвінавачаным, у 2016-м — 874, 2017-м — 665, 2018-м — 487.
Паводле onliner.by