ЗВР у студзені ўсохлі на $ 265 млн — гэта двухгадовы мінімум

Паводле звестак Нацыянальнага банка Беларусі золатавалютныя рэзервы краіны ў студзені 2021-га ўсохлі яшчэ на $ 265 млн — і абнавілі мінімум за апошнія два гады.

Myfin.by паказвае, як змянялася сума ЗВР Беларусі з пачатку мінулага года.

Паводле Нацбанка, падзенне ЗВР да $ 7,2 млрд адбылося з-за значных выплат па знешніх абавязках у студзені 2021-га — $410,6 мільёна. Падзенне было згладжанае паступленнем валюты ў бюджэт ад продажу Міністэрствам фінансаў валютных аблігацый. Але гэта яшчэ не мяжа. На пачатак 2022 года Нацбанкам запланавана падзенне ЗВР да $ 6 млрд.

Нагадаем, самага нізкага значэння ў 2020 годзе ЗВР дасягалі 1 кастрычніка, калі апусціліся да $7321,4 млн. Але пасля атрымання расійскага крэдыту рэзервы пачалі расці. ЗВР неабходныя для згладжвання ваганняў курсу нацыянальнай валюты і гарантыі выплат па знешніх абавязках.

Які ўзровень ЗВР для краіны лічыцца дастатковым?

Паводле традыцыйных ацэнак эканамістаў, аб'ём ЗВР павінен складаць 3–5 месячных аб'ёмаў імпарту. Паводле аператыўных звестак Белстата, у снежні 2020-га аб'ём імпарту склаў $3533 млн, што складае 2 сумы ЗВР і не дацягвае да ніжняй мяжы дастатковасці.

Яшчэ адзін крытэр ацэнкі ЗВР: іх аб'ём не павінен перавышаць знешні дзярждоўг краіны. Паводлеадзеных Мінфіна знешні дзяржаўны доўг Беларусі на 1 студзеня 2021 дасягнуў $ 18,6 млрд, што перавышае аб'ём ЗВР у 2,6 разы.

Як можна заўважыць, па гэтым крытэрам ЗВР Беларусі не з'яўляюцца дастатковымі.