25 студзеня — прэм’ера «Калыханкі з месячыкам» на словы Кастуся Севярынца

Дзіцячы YouTube-канал «Бэйбус» ладзіць прэм'еру Новай Калыханкі для Новай Беларусі на словы паэта Кастуся Севярынца.

Пісьменнік, журналіст Кастусь Севярынец напісаў гэты верш для сваёй тады яшчэ маленькай дачкі Ганны. Сёння вядомая даследчыца, Ганна Севярынец падзялілася гэтым сямейным скарбам з праектам «Бэйбус».
Напісаць музыку і выканаць песню запрасілі вядомы беларускі гурт VAL. У Леры Грыбусавай і Улада Фраймана атрымаўся твор, поўны пяшчоты, цеплыні і мяккасці. Падаецца, менавіта такой і мусіць быць наша калыханка.
«Мы вельмі хочам, каб мелодыю "Калыханкі з месячыкам" падхапіла кожная матуля, і кожны вечар пад гукі і словы новай люляйкі салодка і спакойна засыналі маленькія беларусікі. Будзем вельмі шчаслівыя праспяваць нашу новую Калыханку разам з вамі!» — пішуць аўтары «Бэйбуса».
Прэм'ера «Калыханкі з месячыкам» адбудзецца 25 студзеня а 20.00 на YouTube-канале «Бэйбус»: