Станіслаў Садальскі ўзгадвае Стэфанію Станюту

Вядомы расійскі акцёр — пра легендарную беларускую актрысу Стэфанію Станюту. Успаміны і фатаграфіі Стэфаніі Станюты Садальскі апублікаваў у сябе ў блогу.



Амаль усе адгадалі на фота вялікую беларускую і савецкую актрысу Стэфанію Станюту. З гуглам, без гугла, ці не ўсё роўна, галоўнае - памятаеце!

Хтосьці напісаў у каментах: «А я яе маладой не ўяўляю». Так, на жаль, плёнка захавала толькі ўзроставыя яе ролі.

Затое паглядзіце на фота, якая красуня была, проста жанчына-вамп! У 1983-м Станюта іграла маю маці, Кіселіху, у «Белых росах» у Ігара Дабралюбава.
Аднойчы падчас здымак яна сказала мне:
- Многія думаюць: старасць, як гэта? А для мяне старасць - гэта добра. Толькі перад сыходам з жыцця ў мяне з'явілася праца. Тэатр, кіно. Я жыву. Я выходжу на сцэну. У мяне мой глядач. Гэта шчасце...
Стэфанія Міхайлаўна пайшла з жыцця ў гэты дзень, у 2000 годзе.

На гэтай фатаграфіі яна напісала «Стасік - табе. Стэфанія Станюта». А з другога боку: «Стасік, на памяць доўгую і добрую. Шчасця табе i твайму дому! С.Станюта».
sadalskij.livejournal.com