У Мінску абмяркуюць давер у грамадстве і калектыўныя энергіі дэмакратычных пераўтварэнняў

12 чэрвеня абудзецца круглы стол, прысвечаны пытанню давера ў беларускім грамадстве. Дыскусія будзе накіравана на высвятленне сувязі паміж (не)даверам у беларускім грамадстве і (не)здольнасцю грамадзян і асобных сацыяльных груп да самаарганізацыі і дзейных ініцыятываў у інтарэсах развіцця як сваіх лакальных супольнасцяў, так і краіны цалкам.

Дыскутантамі будуць метадолаг і філосаф Уладзімір Мацкевіч (Лятучы ўніверсітэт), філосаф Таццяна Шчытцова (ЕГУ, МАГ), камунікацыйны кансультант Раман Касціцын (ARS Communications), рэдактарка Яніна Каралевіч-Картэль (Citydog.by). Мадэратар – сацыёлаг, метадолаг Таццяна Вадалажская (Лятучы ўніверсітэт).

Размова паміж будзе будавацца вакол наступных пытанняў:

• У якіх сферах найбольш востра адчуваецца недавер у беларускім грамадстве? Што спараджае і ўзмацняе недавер?
• Ці мае (не)давер найперш эмацыйныя ці рацыянальныя карані? Якімі сродкамі магчыма працаваць з гэтай з’явай?
• Якія ёсць канструктыўныя практыкі пераадолення недаверу?

Да ўдзелу ў дыскусіі запрашаюцца даследчыкі, грамадскія дзеячы і шырокае кола зацікаўленых у абмеркаванні праблемы даверу ў беларускім грамадстве.

Круглы стол арганізаваны Міжнароднай асацыяцыяй гуманітарыяў (МАГ, http://www.mag-iah.com ) і Лятучым універсітэтам (http://fly-uni.org).

Калі: 12 чэрвеня, 18:00.

Дзе: “Другі паверх” (пр. Машэрава, 9, 2 паверх).

Для ўдзелу патрэбная папярэдняя рэгістрацыя