Ціханоўская заклікала скончыць з «залежнасцю» Беларусі ад Расіі

Беларусь павінна пакончыць з «залежнасцю» ад Расеі, лічыць былы кандыдат у прэзідэнты Беларусі Святлана Ціханоўская. Яна таксама заявіла, што ЗША і краіны ЕС павінны ўвесці «больш магутныя» санкцыі супраць дзеючага прэзідэнта Аляксандра Лукашэнкі.

«Мы павінны адысці ад таго разумення, што без Расеі ў Беларусі нічога нельга вырашыць. Гэта няправільна. Мы незалежная краіна», — сказала спадарыня Ціханоўская ў інтэрв'ю нямецкаму выданню Der Spiegel.
Спадарыня Ціханоўская перакананая, што ЕЗ і ЗША павінны ўзмацніць санкцыі супраць дзейных уладаў Беларусі. «Палавіністыя меры — гэтага проста недастаткова. Рэжым (у Мінску заўв. «Коммерсанта») павінен быць падвергнуты палітычнаму астракізму і цалкам ізаляваны эканамічна і фінансава... Усе ў ЗША гэта разумеюць, а таксама ў Вялікабрытаніі, дзе я толькі што была. На жаль, многія дэмакратычныя дзяржавы да гэтага часу не могуць рэальна ўявіць сабе сітуацыю ў Беларусі», — дадала спадарыня Ціханоўская.
9 жніўня 2020 года ў Беларусі адбыліся прэзідэнцкія выбары, на якіх, паводле афіцыйных дадзеных ЦВК, перамогу атрымаў дзеючы Прэзідэнт Аляксандр Лукашэнка. Другое месца заняла прадстаўнік апазіцыі Святлана Ціханоўская, якая не прызнала вынікі выбараў.
28 ліпеня спадарыня Ціханоўская правяла сустрэчу з прэзідэнтам ЗША Джо Байдэнам. У Вашынгтоне яна таксама сустрэлася з намеснікам дзяржсакратара ЗША па палітычных справах Вікторыяй Нуланд і дарадцам Дзярждэпартамента Дэрэкам Шоле, на частцы сустрэчы таксама прысутнічаў дзяржсакратар Энтані Блінкен. Акрамя таго, Святлана Ціханоўская асобна сустрэлася з памочнікам амерыканскага прэзідэнта па нацыянальнай бяспецы Джэйкам Саліванам.
Паводле kommersant.ru