Лукашэнка: Украіна павінна заставацца непадзельнай, але Крым дэ-факта — частка Расіі

 "Украіна павінна заставацца адзінай, непадзельнай і цэласнай, але Крым дэ-факта сёння — частка Расіі", — заявіў Аляксандр Лукашэнка, размаўляючы з
журналістамі пасля галасавання на выбарах дэпутатаў Мінгарсавета на ўчастку № 1 Вяснянскай выбарчай акругі № 39.



"Крым не з'яўляецца незалежнай дзяржавай, як тая ж Асеція, Абхазія і гэтак далей. Крым сёння — частка тэрыторыі Расійскай Федэрацыі. Можна прызнаваць гэта ці не прызнаваць, але ад гэтага нічога не зменіцца", — сказаў Лукашэнка.


"Мы свой пункт гледжання вызначылі і выказалі. Ад нас ніхто і не патрабуе прызнаць і падтрымаць расіян або наадварот. Я шчыра кажу: ад мяне і ад нашых праўладных структур, МЗС ніхто гэтага не патрабуе", — сцвярджае кіраўнік дзяржавы.
 


Пры гэтым Лукашэнка заўважыў: "Гэта кепска, што давялося Расіі прымаць такія меры".


"З-за гістарычнага мінулага, таго, што мы адзіны народ, ствараем адзіны праект, мы будзем з Расіяй. Трэба спыніць гэтыя спекуляцыі. Калі паўстане пытанне, мы заўсёды будзем з Расіяй — гэта я і сказаў Пуціну ў апошняй размове", — паведаміў кіраўнік дзяржавы. 


На пытанне БелаПАН, ці азначаюць яго словы аб непадзельнай і цэласнай Украіне, што Беларусь дэ-юрэ лічыць незаконнай анексію Крыма Расіяй, Лукашэнка адказаў: "Мы такімі мацернымі словамі наогул не размаўляем і не выказваемся — па-першае. Па-другое, дэ-факта я сказаў, што адбылося. Што будзе дэ-юрэ, гэта мы ўбачым пазней".
 
 
Таццяна Каравянкова, БелаПАН

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,
Больш цікавага на «Новым Часе»: