Міністэрства гандлю ЗША можа зрабіць Беларусь краінаю з рынкавай эканомікай

Мінск звярнуўся ў Міністэрства гандлю ЗША, каб пазбавіцца статусу нярынкавай эканомікі, паведамляе Белсат.

Мінгандлю ЗША ацэніць мэтазгоднасць правядзення публічных слуханняў у гэтым пытанні, а канчатковыя вынікі могуць быць апублікаваныя ў лістападзе.
Статус краіны з нярынкавай эканомікай Беларусь атрымала пасля распаду СССР. Гэты статус дазваляе ўраду ЗША выкарыстоўваць абмежавальныя мытна-тарыфныя захады да асобных відаў беларускай прадукцыі, якія робяць яе экспарт эканамічна немэтазгодным.
Раней статусу нярынкавай эканомікі пазбавіліся Расея, Казахстан, Украіна, Польшча, Літва, Латвія, Эстонія, Чэхія, Славакія, Венгрыя, Румынія.
У кастрычніку 2019 г. паміж Міністэрствам эканомікі і кампаніяй Crowell & Moring было заключана пагадненне па юрыдычным суправаджэнні працэсу па пераходзе Беларусі са статусу краіны з нярынкавай эканомікай у статус краіны з рынкавай эканомікай.
«Прысваенне нам статусу краіны з рынкавай эканомікай дазволіць ліквідаваць дыскрымінацыйныя метады разлікаў памераў ставак ахоўных матыў, пазбегнуць іх неабгрунтаванага завышэння ў адносінах да беларускай прадукцыі ў ЗША і будзе садзейнічаць нарошчванню беларускага экспарту ў ЗША», – паведамляе Мінэканомікі Беларусі.