Імпічмент праваліўся: Дональд Трамп застаецца на пасадзе прэзідэнта ЗША

Сенат ЗША прагаласаваў супраць адхілення Дональда Трампа ад пасады прэзідэнта. З Трампа знятыя абвінавачванні ў злоўжыванні ўладай і ў перашкодзе працы кангрэса.

Галасаванне праходзіла ў два этапа. Спачатку сенатары прагаласавалі за тое, каб прызнаць прэзідэнта Трампа невінаватым па першым артыкуле імпічменту — злоўжыванні ўладай. Галасы падзяліліся 52 на 48. Адзіным рэспубліканцам, які прагаласаваў супраць Трампа, стаў сенатар Міт Ромні.
Ён стаў першым сенатарам у гісторыі ЗША, які галасаваў супраць прэзідэнта, які прадстаўляе тую ж партыю.
Па другім артыкуле імпічменту — перашкодзе ў працы кангрэса — 53 сенатара з 100 палічылі, што Трамп не вінаваты.
Прынамсі 67 сенатараў павінны былі галасаваць супраць Трампа, каб імпічмент адбыўся. Нагадаем, у рэспубліканцаў у верхняй палаце кангрэса большасць, і таму, як адзначалі эксперты, верагоднасць імпічменту была вельмі малаверагодная.
Сам Трамп назваў імпічмент «самагубствам Дэмакратычнай партыі» і «паляваннем на ведзьмаў». Ён заяўляў, што гэты працэс — спроба дэмакратаў паквітацца за паразу Хілары Клінтан на прэзідэнцкіх выбарах 2016 года.
Палата прадстаўнікоў кангрэса ЗША пачала працэдуру імпічменту Трампа 25 верасня. Нагодай стала яго тэлефонная размова з прэзідэнтам Украіны Уладзімірам Зяленскім: члены Дэмакратычнай партыі хацелі даказаць, што кіраўнік ЗША ціснуў на ўкраінскага калегу, каб той стымуляваў расследаванне карупцыйнай справы супраць сына Джо Байдэна. На дадзены момант Байдэн лічацца самым перспектыўным апанентам Трамп на выбарах у 2020 годзе.
Пасля галасавання па імпічменце Трамп напісаў у сябе ў Twitter, што мае намер выступіць з публічнай заявай.
Трамп стаў трэцім прэзыдэнтам ЗША пасля Эндру Джонсана і Біла Клінтана, за імпічмент якога прагаласавала палата прадстаўнікоў. І гэтак жа як і ў выпадку Джонсана ў 1868 годзе, і ў выпадку Клінтана ў 1998 годзе Трамп захаваў свой пост.
Паводле news.tut.by