Памёр старшыня Еўрапарламента Давід Сасолі

Спікер Еўрапарламента Давід Сасоли ў снежні быў шпіталізаваны з моцнымі парушэннямі працы імуннай сістэмы і памёр рана раніцай 11 студзеня.

Старшыня Еўрапейскага парламента Давід Сасолі, шпіталізаваны 26 снежня ў сувязі з узніклымі ўскладненнямі, звязанымі з цяжкай формай дысфункцыі імуннай сістэмы, памёр у аўторак, 11 студзеня, у 1.15 раніцы ва ўзросце 65 гадоў. Пра гэта паведаміў яго прэс-сакратар Раберта Куільё.

10 студзеня Куільё абвясціў, што кіраўнік Еўрапарламента, змешчаны на лячэнне ў анкалагічны цэнтр італьянскага горада Авіяна, падпарадкаванага адміністрацыйнаму цэнтру Пардэноне, адмяніў усе запланаваныя з яго удзелам афіцыйныя мерапрыемствы.

Гэта стала яго другой шпіталізацыяй за апошні час. Раней Сасолі трапіў у бальніцу 15 верасня з-за цяжкай пнеўманіі. Яе прычынай не быў каронавірус.

У снежні Сасолі заявіў, што не будзе вылучаць сваю кандыдатуру на перавыбранне ў Еўрапейскі парламент. Выбары яго пераемніка на другую палову парламенцкага тэрміну былі прызначаны на 13 студзеня.

Італьянскі журналіст і тэлевядучы, член Дэмакратычнай партыі Давід Сасолі быў абраны ў Еўрапарламент у 2009 годзе. З 2014 па 2019 гады ён быў віцэ-старшынёй Еўрапарламента, а затым узначаліў яго. 30 красавіка 2021 года МЗС Расіі ўвёў санкцыі супраць Сасолі (яму закрыты ўезд у Расію) і некалькіх іншых службовых асоб ЕС у адказ на санкцыі, уведзеныя структурамі Еўрасаюзу ў дачыненні да Расіі пасля атручвання Аляксея Навальнага.

У Давіда Сасолі засталіся жонка і дзве дачкі.

Паводле DW.

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: