Польшча разглядае магчымасць поўнага закрыцця мяжы з Беларуссю

Польскія ўлады разглядаюць варыянт поўнага закрыцця мяжы з Беларуссю, заявіў прэс-сакратар урада Польшчы Пётр Мюлер.


«У далейшых сцэнарах такі варыянт улічваецца. Цяпер мы адназначна адпраўляем па дыпламатычных і афіцыйных каналах такую інфармацыю беларускім уладам, што такая пагроза існуе, калі беларускія ўлады не спыняць гібрыдную вайну на мяжы», — заявіў Мюлер парталу Wirtualna Polska, паведамляе REFORM.by.

Са слоў Мюлера, Польшча даводзіць гэтую інфармацыю да беларускіх уладаў праз амбасаду, МЗС і памежныя службы. Ён дадаў, што беларускія ўлады не адказваюць на гэтыя сігналы.

Нагадаем, праз сітуацыю з наплывам мігрантаў на беларуска-польскай мяжы Польшча 9 лістапада закрыла пункт пропуску «Кузніца». Беларускі бок заявіў, што не бачыць аб'ектыўных прычын для такога рашэння.



Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,
Больш цікавага на «Новым Часе»: