Пры Еўракамісіі створаць спецгрупу па пытаннях беларусаў

Пры Еўракамісіі створаць спецыяльную працоўную групу па пытаннях беларусаў. Пра гэта паведаміла Святлана Ціханоўская.

У панядзелак яна сустрэлася ў Бруселі з еўракамісарам па ўнутраных справах Ільвай Ёхансан. Яны і дасягнулі дамовы пра стварэнне групы, якая зоймецца вырашэннем візавых і міграцыйных пытанняў беларусаў, якія ратуюцца ад рэпрэсій і вайны. «Мы павінны ізаляваць рэжым, а не народ», — заявіла Ціханоўская.

Прэс-служба Святланы Ціханоўскай паведамляе, што спецгрупа пачне сваю працу ўжо на гэтым тыдні. Яна будзе рэгулярна збірацца.

Паводле «Еўрарадыё».

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: