«Нельга казаць аб прызнанні Зяленскім і адначасова сустракацца з яго супернікам»

Палітолаг Павел Усаў у сваім тэлеграм-канале разважае пра нядаўнюю сустрэчу Ціханоўскай і Парашэнкі.
«Ціханоўская сустрэлася з Парашэнкам.

Чарговы непрадуманы крок. Пазітыўны палітычны эфект ад гэтай сустрэчы вельмі сумніўны. Якая мэта сустрэчы? Няўжо надзея на тое, што Парашэнка палепшыць адносіны Офіса Святланы Ціханоўскай і офіса Зяленскага? Хутчэй наадварот.

Ціханоўская ўступіла ў вельмі адчувальную і напружаную зону ўнутранай палітыкі Украіны, дзе Парашэнка зусім не пазітыўны герой.

Нельга прасіць аб сустрэчы з прэзідэнтам Зяленскім і казаць аб нейкім прызнанні і адначасова сустракацца з яго палітычным супернікам.

Прычым Парашэнка не прадстаўляе, наколькі магу меркаваць, Украіну, ён прадстаўляе толькі сябе.
Тым больш што ён знаходзіцца пад следствам!

Гэтая сустрэча хутчэй узмоцніць і без таго крытычны погляд Офіса Зяленскага ў адносінах да Ціханоўскай, якую абвінавацяць у палітычнай неразборлівасці і павярхоўнай цікавасці да Украіны.

 Гэта як ездзіць на візіт да Байдэна і прасіць аб падтрымцы, а адначасова сустракацца з Трампам.
Так бывае, калі PR з'яўляецца мэтай палітычнай дзейнасці».

Нагадаем, сустрэча Святланы Ціханоўскай і Пятра Парашэнкі адбылася падчас форуму па бяспецы ў канадскім горадзе Галіфакс.

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: