Святлана Ціханоўская сустрэлася з прэзідэнтам Польшчы

Святлана Ціханоўская знаходзіцца ў Польшчы з рабочым візітам. Толькі што яна сустрэлася з прэзідэнтам Польшчы Анджэем Дудам. Далей яна правядзе перамовы з іншымі замежнымі палітыкамі і дыпламатамі.

У Варшаве Ціханоўская правядзе працоўныя сустрэчы з прадстаўнікамі НАУ Паўлам Латушкам і Уладзімірам Астапенкам, «Рабочага руху» і ByPol, адзначае «Наша Ніва».

У сераду, 6 кастрычніка, Святлана Ціханоўская сустрэнецца з беларусамі дыяспары ў Варшаве на акцыі на плошчы Жалезнай Брамы (Plac Żelaznej Bramy), якая пачнецца а 17:30.