«Крумкачы» зладзяць дабрачынны матч у падтрымку камерцыйнага дырэктара, у якога здарыўся інсульт

1 траўня ў камерцыйнага дырэктара футбольнага клуба «Крумкачы» здарыўся інсульт проста падчас каментавання матчу. Потым у шпіталі ён перанёс яшчэ адзін інсульт, інфаркт, два тыдні комы і месяц рэанімацыі. Цяпер ён вярнуўся ў прытомнасць і можа гаварыць, яго перавялі ў агульнае аддзяленне. Але наперадзе цяжкая рэабілітацыя.

«Крумкачы» заклікаюць дапамагчы Юрыю і зрабіць дабрачынным Кубкавы матч з «Іслаччу» (22 чэрвеня). Для гэтай мэты разам са стандартнай цаной на білеты будзе ўстаноўлены спецыяльны кошт - 20 рублёў. Для тых, хто хоча і можа дапамагчы Юрыю. Усе сродкі, атрыманыя ад продажу квіткоў, будуць перададзеныя сям'і Юрыя.

Набыць квіткі можна ТУТ.

Юрыю Турэйку 47 гадоў. Ён спартсмен, не мае шкодных звычак і тройчы на тыдзень заўсёды гуляў у футбол на аматарскім узроўні. Мужчына ніколі не скардзіўся на здароўе, яго інсульт стаў шокам для блізкіх і знаёмых менеджара.

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: