Amnesty International заклікала міжнародную супольнасць адрэагаваць на закрыццё дзясяткаў НКА ў Беларусі

Каментуючы паведамленні аб тым, што беларускія ўлады ліквідавалі па меншай меры 46 праваабарончых арганізацый і арганізацый грамадзянскай супольнасці, Мары Стразерс, дырэктар Amnesty International па Усходняй Еўропе і Цэнтральнай Азіі, выступіла з заявай. Прыцводзім яе цалкам.

«Сёння яшчэ адзін чорны дзень, які ўвойдзе ў гісторыю Беларусі. Беларускія ўлады праводзяць беспрэцэдэнтныя і ўсё больш жорсткія атакі на грамадзянскую супольнасць, выкарыстоўваючы ўсе інструменты для пераследу за мірнае іншадумства. Пасля масавых арыштаў праваабаронцаў і актывістаў у пачатку мінулага тыдня ўлады цяпер ліквідуюць дзясяткі крытычна важных для грамадзянскай супольнасці арганізацый, цалкам ігнаруючы свае абавязацельствы ў галіне правоў чалавека ў адпаведнасці з міжнародным правам».
«Беларускія ўлады павінны неадкладна перагледзець рашэння аб ліквідацыі НКА, пакласці канец эскалацыі рэпрэсій і дазволіць арганізацыям грамадзянскай супольнасці свабодна займацца сваёй дзейнасцю. Улады павінны паважаць, абараняць, прасоўваць і рэалізоўваць права на свабоду выказвання меркаванняў, асацыяцыі і мірных сходаў», — дадала яна.
«Астатні свет не павінен заставацца пасіўным назіральнікам гэтых жорсткіх рэпрэсій у Беларусі. Мы заклікаем да рашучага міжнароднаму адказу з тым, каб беларускія ўлады неадкладна спынілі свае рэпрэсіі ў дачыненні да грамадзянскай супольнасці і вызвалілі ўсіх тых праваабаронцаў і актывістаў, якія былі адвольна затрыманыя выключна за сваю законную дзейнасць. Урад Беларусі павінен выканаць свае абавязацельствы па павазе, абароне, прасоўванні і захаванню правоў чалавека, інакш яно павінна сутыкнуцца з наступствамі», — лічыць Стразерс.
23 ліпеня ў выніку скаардынаваных дзеянняў уладаў Мінска і іншых рэгіёнаў у пазасудовым парадку былі ліквідаваныя па меншай меры 46 НКА нібыта за ажыццяўленне дзейнасці, якая выходзіць за рамкі іх статутаў. У спіс увайшлі, акрамя іншага, Цэнтр экалагічных рашэнняў, Еўрапейскі моладзевы парламент, Беларускі ПЭН-цэнтр, праваабарончая група Human Constanta і Youth Labor Rights. Лік ліквідаваных арганізацый, верагодна, будзе расці па меры паступлення новай інфармацыі.
Гэты крок з'яўляецца часткай працяглых абмежаванняў публічнай прасторы і рэпрэсій у дачыненні да арганізацый грамадзянскай супольнасці, якія абвастрыліся на мінулым тыдні ў сувязі з хваляй ператрусаў і затрыманняў праваабаронцаў і актывістаў грамадзянскай супольнасці, а таксама з арыштамі кіраўніцтва і супрацоўнікаў Праваабарончага цэнтру "Вясна". 22 ліпеня Аляксандр Лукашэнка, перавыбранне якога ў жніўні 2020 года выклікае мноства сумневаў як відавочна сфальсыфікаванае, на сустрэчы з урадам параўнаў НКА з «бандытамі і замежнымі агентамі», адзначыўшы, што «ідзе зачыстка».
Паводле прэс-рэліза