Беларус у Пецярбургу пайшоў купіць штаны і загрымеў на 8 сутак

Грамадзянін Беларусі ў нядзелю пайшоў у Санкт-Пецярбургу купіць сабе штаны. Але яго затрымала паліцыя — нібыта за ўдзел у мітынгу. Хлопец атрымаў 8 сутак арышту, якія адбывае ва ўсё тым жа аддзеле паліцыі. Прычына — у ІЧУ няма месцаў.

У Санкт-Пецярбургу затрымалі грамадзяніна Беларусі. Алег сам з Брэста, 31 студзеня пайшоў на рэчавы рынак Апраксін Двор купіць сабе джынсы. Побач праходзіла шматлюдная прагулка мясцовых жыхароў.

У акцыі ў падтрымку Навальнага ён нават не ўдзельнічаў, бо баяўся дэпартацыі. Яго затрымалі на Апраксінам Двары, дзе ён купляў сабе штаны, а пасля вырашыў сфатаграфаваць пратэстоўцаў.

У Алега няма блізкіх у Пецярбургу, якія маглі б зрабіць яму перадачу. Мясцовыя беларусы сёння адвезлі яму неабходныя лекі, адзенне, ежу, ваду і кнігі ў аддзел паліцыі. Алег усё атрымаў і даслаў фота абстаноўкі ў пастарунку.

Суд прысудзіў яму 8 сутак арышту. Павінен быў быць этапаваны ў ІЧУ, але там усё перапоўнена, таму пакуль ён знаходзіцца ў аддзеле паліцыі.

Крыніца — «Баста».