Джорджа Мелоні становіцца новым прэм'ер-міністрам Італіі. Яна — першая кабета на гэтай пасадзе

У нядзелю адбыліся парламенцкія выбары ў Італіі. Па выніках перамогу атрымлівае партыя «Браты Італіі», лідарка якой Джорджа Мелоні стане кіраваць урадам.
У ніжняй палаце парламента расклад атрымліваецца наступны:

«Браты Італіі» 26%
Дэмакратычная партыя 19%
Рух Пяці зорак 15%
«Ліга» 9%
«Наперад Італія» 8%
«Трэці полюс» 7%
Левыя 3%

Партыя Мэлоні разам з партнёрамі па кааліцыі з «Лігі» Матэа Сальвіні і «Наперад Італіі» Сільвіа Берлусконі набіраюць пераканаўчую большасць.

«Мы гатовыя ўзняць Італію» — заявіла Мелоні пасля выбараў.


45-гадовая Джорджыя Мелоні гатовая стаць першай кабетай-прэм'ерам Італіі.

Прытрымліваючыся дэвізу «Бог, бацькаўшчына і сям'я», яна выступала супраць правоў ЛГБТ, хоча ваенна-марской блакады Лівіі і неаднаразова перасцерагала ад мусульманскіх мігрантаў.

У адрозненне ад сваіх правых хаўруснікаў, у яе няма часу на Пуціна. Мелоні пранатаўская і праўкраінская, нават калі многія правыя выбарцы прахалодна ставяцца да заходніх санкцый.

Акрамя зніжэння падаткаў, яе альянс хоча перагледзець маштабны план аднаўлення Італіі ў ЕС Covid і абраць прэзідэнта Італіі ўсенародным галасаваннем. Мелоні стварыла Браты Італіі (Fratelli d'Italia) у 2012 годзе, праз чатыры гады пасля таго, як стала самым маладым міністрам Італіі пры Сільвіа Берлусконі у 2008 годзе.

Яе партыя набрала крыху больш за 4% галасоў на апошніх усеагульных выбарах чатыры гады таму.

Мелоні была адзіным лідарам буйной партыі, якая адмовілася ўвайсці ў шырокую кааліцыю папулярнага тэхнакрата Марыё Драгі.


Мелоні вырасла ў рабочым раёне Гарбатэла, выхоўвалася маці пасля таго, як іх пакінуў бацька.

У падлеткавым узросце яна далучылася да моладзевага крыла руху Італіі, створанага пасля вайны прыхільнікамі памерлага дыктатара Беніта Мусаліні.



У сваёй кнізе 2021 года «Я — Джорджа» яна падкрэслівае, што не з'яўляецца фашысткай, але атаясамлівае сябе са спадчыннікамі Мусаліні, кажучы: «Я падняла эстафету 70-гадовай гісторыі».

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: