FEMEN не спатрэбіліся зубныя шчоткі і туалетная папера
21 чэрвеня ў Кіеве актывістак FEMEN судзілі за начную акцыю супраць Лукашэнкі. Дзяўчаты рыхтаваліся да «сутак», але абышлося невялікімі штрафамі.
Пра гэта Еўрарадыё распавяла лідар арганізацыі Ганна Гуцол.
Ганна Гуцол: «Да нашай вялікай радасці, нам не спатрэбіліся зубныя шчоткі і туалетная папера — абышлося штрафам. 119 грывень..» (прыкладна каля 127 тысяч беларускіх рублёў - НЧ)
21 чэрвеня ў Кіеве адбыўся суд над актывісткамі FEMEN. Іх судзілі за акцыю «Ноч супраць Лукашэнкі». Дзяўчаты рыхтаваліся да таго, што іх асудзяць на 15 сутак.
Нагадаем, дзяўчаты з'явіліся да месца начоўкі ў Кіеве беларускага кіраўніка з паходнямі (Аляксандр Лукашэнка знаходзіўся ва Украіне з афіцыйным візітам). На іх целах былі напісаныя заклікі «Жыве Беларусь!», «Fuck dictator!» ды іншыя. Спакой кіраўніка Беларусі, аднак, збераглі міліцыянты і спецназаўцы «Беркута» .
У 2011 годзе ў Мінску FEMEN правялі акцыю супраць Лукашэнкі на прыступках КДБ.