«Гэта ганьба!» — Трамп аб расследаваннях па ўмяшанні РФ у выбары
Прэзідэнту ЗША не спадабалася, што дэмакраты прафінансавалі расследаванне супраць яго.
Фота: gettyimages.com. Трампу надакучылі абвінавачванні ў сувязях з Расіяй
Прэзідэнт ЗША
Дональд Трамп назваў ганебным факт расследавання адносна ўмяшання Расіі ў амерыканскія
выбары і абвінавачванняў яго ў сувязях з Масквой. Пра гэта ён заявіў у інтэрв'ю Fox News.
"Гэта дасье з'яўляецца цалкам фэйкавым і выглядае як раман. Яно стала ганьбай, не трэба было яго пачынаць. І потым я чую тую суму, якую патрацілі дэмакраты. Я думаю, ганебна, што такая рэч можа адбыцца", — заявіў Трамп.
Прэзідэнт ЗША нагадаў, што дэмакраты на 9 мільёнаў долараў прафінансавалі расследаванне, вынікам якога стала публікацыя дасье пра сувязі Трамп і яго атачэння з Расіяй.
Нагадаем, Трамп заявіў у Twitter, што ніколі не бачыў такой "злосці і адзінства" сярод рэспубліканцаў з нагоды адсутнасці расследавання таго, як Хілары Клінтан збірала на яго ілжывае дасье, і заклікаў "зрабіць што-небудзь" з гэтым.
Паводле korrespondent.net