Яны пра нас: У атачэнні Пуціна распрацоўваецца варыянт гвалтоўнага ўхілення Лукашэнкі ад улады

Што на гэтым тыдні замежныя медыя пісалі пра Беларусь.

«Рэалізацыя плана па змене рэжыму ў Беларусі — зусім не такая ўжо складаная задача для ўкраінскіх батальёнаў, асабліва пасля перамогі ў вайне з Расіяй. Знішчыўшы групоўку расійскіх войскаў на Палессі, украінцы маюць поўнае права не спыняцца на мяжы з Беларуссю, а адразу рушыць далей па адным адзіным кірунку — рэзідэнцыя Лукашэнкі. Тады канец рэжыму стане пытаннем лічаных дзён, калі не гадзін (…) Нават калі Украіна не будзе выкарыстоўваць прамую ваенную сілу, застаюцца беларускія добраахвотнікі — высока матываваныя атрады, якія маюць досвед баявых дзеянняў ва Украіне. Яны могуць распачаць баявыя дзеянні самастойна, прыцягваючы на ​​свой бок усё больш беларусаў. Перамога такому руху інсургентаў, вядома, не гарантаваная — але шанцы ў яго вялікія. Асабліва ў выпадку, калі Расія будзе трымаць дыстанцыю, што верагодна».
«Украіньска правда» (Украіна)
«Абмежаваныя бюджэтныя рэсурсы ў сферы “бяспекі”, што існуюць у беларускага рэжыму, выдзяляюцца сістэме ўнутраных рэпрэсій у звышсярэднім аб'ёме — і спажываюцца ў асноўным КДБ, міліцыяй, АМАПам і пенітэнцыярнай сістэмай. Між тым беларускае войска застаецца малалікім, недаінвеставаным і шмат у чым паўнавартасным постсавецкім музеем пад адкрытым небам — нават у параўнанні з узброенымі сіламі Расійскай Федэрацыі».Оko.press (Польшча)
«PR-акцыі беларускіх нацыяналістаў, якія робяць трукі з батальёнам Кастуся Каліноўскага, скіраваны на рэалізацыю некалькіх задач. Па-першае, такія прапагандысцкія акцыі дазваляюць прыцягнуць спонсарскую дапамогу. Па-другое, такія мерапрыемствы садзейнічаюць прыцягненню хоць і невялікага, але ўсё ж кантынгенту прыхільнікаў. Па-трэцяе, новы імпульс атрымлівае прапаганда ідэй беларускіх нацыяналістаў. Эфектыўнасць падобных форм, як паказалі падзеі ў Беларусі 2020 года, аказалася невялікая. Няма падстаў лічыць, што і ў гісторыі 2022 года беларускія «пабрацімы» ўкраінскіх нацыяналістаў набудуць нешта больш». Известия (Расія)
«Праз тое, што беларусы не хочуць ваяваць з украінцамі, у атачэнні Пуціна апрацоўваецца варыянт гвалтоўнага ўхілення Лукашэнкі ад улады шляхам перавароту, які мяркуецца арганізаваць спецслужбамі РФ разам з іхнымі агентамі ў КДБ і збройных сілах Беларусі. Лукашэнка ўжо ведае пра планы Пуціна і можа распачаць «чыстку» свайго атачэння ад яго агентаў».Контакти (Украіна)
«У інтарэсах Захаду, каб Беларусь напала на Украіну, таму што ЗША хочуць утравіць у канфлікт Польшчу. Пакуль Польшча ад гэтага ўтрымліваецца, хаця яе рыторыка даволі жорсткая. Палякі прапаноўвалі ўвесці міратворчыя сілы НАТА, але самі, без Альянсу, яны пакуль ва Украіну ўваходзіць не жадаюць. Сітуацыя можа змяніцца, калі туды ўвойдзе Беларусь. Тады палякі могуць вырашыць, па-першае, што дастатковая колькасць расійскіх і беларускіх войскаў звязана ва Украіне для таго, каб польскае войска магло сябе адчуваць хаця б на першым этапе больш-менш свабодна».Украина.ру (Расія)
«Удзел Беларусі ў нападзе Расіі на Украіну непазбежна прывядзе да сур'ёзных праблем у беларускай эканоміцы. І справа не толькі ў заходніх санкцыях за дапамогу агрэсіі, якія ўжо моцна ўплываюць, але і ў тым, што Беларусь губляе свайго другога па значнасці гандлёвага партнёра — Украіну. Эканамічныя адносіны з ёй замарожаныя з-за вайны. Па словах беларускіх эканамістаў, гэта негатыўна адаб'ецца на ВУП, а беларусы могуць сутыкнуцца з ростам коштаў на прадукты харчавання з-за адсутнасці ўкраінскіх прадуктаў у крамах». DW (Германія)