Камісар ААН: удары па Алепа — злачынства гістарычнага маштабу
Вярхоўны камісар ААН па правах чалавек Зеід Раад Зеіда-Аль Хусейн назваў аблогу і авіяўдары па сірыйскім Алепа злачынствам гістарычнага маштабу.
Фота RIA NOVOSTI. Заходні Алеппо пакутуе ад мінамётных абстрэлаў, усходні — ад нашмат больш смяротных бамбаванняў, заявіў камісар ААН.
У заяве камісара згадваюцца абстрэлы заходняй часткі горада паўстанцамі, але гаворыцца, што прычынай пераважнай большасць смерцяў сярод мірнага насельніцтва сталі бамбардзіроўкі.
"Узброеныя групы апазіцыі працягваюць абстрэл заходняга Алепа, аднак прычына пераважнай большасці смерцяў сярод грамадзянскага насельніцтва — гэта невыбіральныя авіяўдары", — заявіў камісар. Ён назваў тое, што адбываецца ў Сірыі, злачынствам гістарычнага маштабу.
Адказных за гібель мірных жыхароў краіны камісар не назваў.
Сітуацыю ў Алепа ў пятніцу, 21 кастрычніка, раскрытыкаваў прадстаўнік брытанскага МЗС Тобіас Элвуд. Ён, у адрозненне ад камісара ААН, усклаў віну за яе на Расію.
"Расія, вы робіце толькі горш, а не дапамагаеце выправіць сітуацыю", — заявіў Элвуд.
Прадстаўнік Расійскай Федэрацыі Аляксей Барадаўкін, у сваю чаргу, абвінаваціў Брытанію ў імкненні "выратаваць тэрарыстаў ад авіяўдараў, каб дазволіць ім перагрупавацца і працягнуць свае варварскія дзеянні".
Раней падобную заяву пра мэты ЗША рабіў кіраўнік МЗС Расіі Сяргей Лаўроў.
Барадаўкін адзначыў, што Сірыя і Расія аб'явілі аднабаковую гуманітарную паўзу ў бамбаванні Алепа і адкрылі гуманітарныя калідоры з тым, каб дазволіць грамадзянам і баявікам, якія вырашылі тое зрабіць, пакінуць горад.
Сірыйскі прадстаўнік Хусам Аала ў адказ на рэзкую заяву абвінаваціў Захад і краіны Персідскага заліва ў "прапагандысцкай кампаніі" супраць сірыйскага ўрада і заявіў, што яго краіна не прымае "хлусні і спробаў маніпулявання саветам ААН па правах чалавека з боку Брытаніі і іх саюзнікаў".
Фота AFP. Многія заходнія лідары называюць бамбардзіроўкі Алепа ваенным злачынствам
Кіраўнік МЗС Сяргей Лаўроў у пятніцу заявіў, што нягледзячы на прапанаваную магчымасць, баевікі арганізацыі "Джэбхат Фатх аш-Шам" адмаўляюцца пакідаць Алепа.
Акрамя таго, 20 кастрычніка, па выніках першага дня "паўзы", у расійскім Мінабароны заявілі, што ўсе гуманітарныя калідоры на працягу дня "знаходзіліся пад пастаянным прыцэльным агнём". Абвешчаная Расіяй гуманітарная паўза ў сірыйскім Алепа пачала дзейнічаць у чацвер з 8:00 па Маскве. Расійскае міністэрства абароны арганізавала анлайн-трансляцыю з двух пунктаў выхаду з горада.
Фота Большая частка Алепа, калісьці найбуйнейшага горада Сірыі, пераўтвораная ў руіны
Фота AFP. Ударам авіяцыі Школы і бальніцы ў Алепа патрапілі пад бомбы
Першапачаткова меркавалася, што гуманітарная паўза працягнецца толькі восем гадзiн, аднак ААН заявіла, што для эвакуацыі мірных жыхароў з Алепа неабходна па меншай меры 12-гадзіннае перамір'е. Пасля гэтага Расія апавясціла ААН, што не будзе праводзіць бамбардзіроўкі Алепа па 11 гадзін на дзень на працягу трох дзён.
Паводле ВВС