КНДР запусціла чарговую ракету

Паўночная Карэя правяла пуск балістычнай ракеты, перадае Yonhap News са спасылкай на паўднёвакарэйскіх вайскоўцаў.

Па іх звестках, пуск быў праведзены з авіябазы Banghyon у правінцыі Пхёнан-Пукто, якая знаходзіцца недалёка ад мяжы з Кітаем. Тып ракет пакуль не ўстаноўлены.

Паводле дадзеных Reuters, ракета ўпала ў выключна эканамічнай зоне Японіі ў Японскім моры. Яе палёт працягваўся 40 хвілін. За гэты час ракета пераадолела 930 кіламетраў.

Японская служба бяспекі на моры заклікала караблі захоўваць асцярожнасць і інфармаваць мясцовыя падраздзяленні ў выпадку выяўлення на паверхні вады буйных прадметаў, якія могуць быць абломкамі ракеты.

Раней Паўночная Карэя папярэдзіла аб тым, што яе ракеты могуць нанесці ўдар па любым пункце зямнога шара.

На пачатку чэрвеня КНДР правяла адразу некалькі пускаў балістычных ракет з усходняга ўзбярэжжа краіны. www.radyjo.net