Літва дала Украіне «элементы ўзбраення»

Міністр абароны Літоўскай Рэспублікі Юозас Алекас заявіў, што Літва перадала ўкраінскай арміі элементы ўзбраення, пра якія яна прасіла.



«Мы аказвалі гуманітарную дапамогу, прымалі на лячэнне параненых ўкраінскіх салдат. Мы выканалі сваё абяцанне і ў адказ на просьбу далі элементы ўзбраення ... Гэта была бясплатная дапамога нашай сяброўскай краіне», — сказаў ён журналістам у Брусэлі 5 лютага.
На ўдакладняючае пытанне аб выглядзе, тыпу і колькасці адзінак прадастаўленага ўзбраення, літоўскі міністр сказаў: «Адказы на гэтыя пытанні ведаюць украінскія ваенныя».
«Мы перакананыя, што Украіна ваюе за сваю незалежнасць і еўрапейскія дэмакратычныя каштоўнасці, і мы павінны дапамагаць у тым аб'ёме, у якім можам», — адзначыў міністр абароны Літвы.
Таксама адказваючы на пытанне аб магчымым развіцці сітуацыі на ўсходзе Украіны Алекас сказаў: «Я думаю, што рашэнне гэтага пытання будзе дасягнута. Бо эканамічныя санкцыі дзейнічаюць, Украіна мае ўзбраенне і імкненне абараніць сваю тэрыторыю, і яна атрымлівае дапамогу. Я думаю, што ў Расіі з'явіцца разуменне таго, што неабходна жыць у дружным супрацоўніцтве са сваімі суседзямі, а не вырашаць праблемы ваенным шляхам».
Раней аб тым, што Літва перадала Украіне элементы ўзбраення, паведаміў на брыфінгу прэс-сакратар АТО Андрэй Лысенка.
zaxid.net